Aministrasion

The Document Foundation

Ła Document Foundation ła ze direta e guidà da i só menbri. Ła só mision ła ze de ofrir suporto e promóvar el dezviłupo e el projeto LibreOffice, cusita come raprezentarlo. A podì łèzar el nostro manifesto cuà. Ła fondasion ła ze zestìa da diversi organizmi e funsionari:

  • The Board of Directors ("BoD"). El Consejo de Aministrasion de ła Fondasion el ze l'òrgano prensipałe de aministrasion de i projeti e de i team de ła Fondasion. I menbri de'l Board i ze raprezentanti judisiari e extrajudisiałi de ła fondasion.
  • The Membership Committee ("MC"). Mision de'l Comitado de i Menbri ła ze cueła de zestir łe dimande de adezion e i renovi e de suparvizionar łe ełesion de'l BoD.
  • The Board of Trustees ("Members"). El Consejo de fondasion el ze fato sù da tute łe parsone che łe contribuise ativamente a i projeti de ła Fondasion. Par èsar reconosùi cofà menbri A ze nesesario sodisfar i recuizidi defenìi inte i nostri statudi e prezentar dimanda de adezion doparando el mòduło aposta.

Anca no sendo òrgani ofisiałi de ła Fondasion, A eziste anca serti organizmi che i juta el BoD a promóvar i projeti de ła Fondasion stesa:

  • The Engineering Steering Committee ("ESC"). El fornise un juto tècnego so cuestion stratèzeghe e ła ze conposta da i mejo inzenjeri de ła Comunità.
  • The Advisory Board ("AB"). El fornise un forum par łe organizasion che łe ofre un mìnimo sostenjo finansiario o altra forma de juto, cofà detarminà da'l BoD, el se incontra co'l BoD e l'ofre consejo.

El BoD el pol nominar funsionari par l'aministrasion o łe atività cotidiane de ła Fondasion.

El projeto LibreOffice

El projeto LibreOffice el ze zestìo sipie da ła comunità che da i vari òrgani de ła Document Foundation, cofà l'Engineering Steering Committee e el Board of Directors. Cotidianamente i team de i cołaboradori i coórdena łe varie tasche de dezviłupo, łocałizasion, dezenjo, promosion, documentasion, testing espansion de LibreOffice. 'Sti team i ze senpre verti a novi cołaboradori... se vołì... A podì unirve a nualtri za deso!

Latest Tweets

@libreoffice
@tdforg