Cosa zeło LibreOffice

Far de pì – Fasilmente, Vełosemente

LibreOffice el ze na suite par l'ofisio formidàbiłe; l'intarfasa neta e el gran nùmaro de strumenti a dispozision i te parmete de łibarar ła to creatività e aumentar ła to produtività. Łe diverse aplegasion desponìbiłi łe rende LibreOffice ła mejo suite par ofisio Łìbara e Open Source so'l marcà: Writer (l'ełaborador de testi), Calc (l'aplegasion par foji ełetròneghi), Impress (par crear prezentasion multimediałe che łe fa scioco), Draw (l'aplegasion par el dezegno vetoriałe e i diagrami de fluso), Base (el front-end par database), e Math (l'editor de ecuasion).

Finalmente documenti bełi da védar

I vostri documenti i gavarà un aspeto profesionałe e neto, par tuti i contegnùi cuałi che i sipie: na łétara, na teze de łàurea, na brochure, report finansiari, prezentasion de marketing, dezegni tècneghi e diagrami. LibreOffice el parmete de darghe un òtimo védar a i vostri łaori, cusita A podì consentrarve so i contegnùi.

Documenti de tute łe sorte

LibreOffice el ze conpatìbiłe co na gama granda de formadi de documento, cofà Microsoft® Word, Excel, PowerPoint e Publisher. Ma LibreOffice el va tanto pì oltra, grasie a'l supporto nativo par un standard verto moderno, el formado OpenDocument (ODF). Co LibreOffice, A gavì el controło màsimo so i vostri dati e so i vostri contegnùi – e podì esportar el vostro łaoro in tanti formadi difarenti, conprezo el formado PDF.

Altre funsionałità co łe estension

Oltra a łe artante funsionałità fornìe par inpostasion predefenìa, LibreOffice el ze espandìbiłe fasilmente traverso de mecanizmi efisienti de estension. A podì otegner pì funsionałità e modełi de documenti so i nostri siti dedegài.

Łìbaro, deso e par senpre

LibreOffice el ze un software Łìbaro e Open Source, disponìbiłe par tuti cuełi che i ło voje doparar, sparpagnar e mudar. El ze prodoto da na comunità mondiałe formà da sentenari de dezviłupadori. El nostro software el ze testà e doparà cotidianamente da na comunità de utenti numaroza e afesionà. El só dezviłupo el ze verto a tałenti novi e nove idèe; donca A podì contribuir anca vualtri e influensar el só dezviłupo futuro.

Altre informasion

· Descarghè LibreOffice inte ła vostra łengua e catè fora come inpisar ła vostra creatività dì par dì
· Confrontè LibreOffice co Microsoft® Office 2016
· LibreOffice el ze disponìbiłe in tante lingue. Catè fora ła vostra!
· Controłè łe nostre note de distribusion.