Nove funsionałità

A ze deso posìbiłe incorporar documenti OOXML rento altri OOXML. A ze suportà OOXML Strict. Pardepì A ze suportà foji ełetròneghi e database de Microsoft Works e na serie de formadi de file de ła piataforma Mac, cofà ClarisWorks, ClarisResolve, MacWorks SuperPaint, e altri.

LibreOffice deso el parmete de stanpar i comenti fati a màrzene de documenti; A ghe ze pì de un modo par zestir i feedback so i vostri documenti. LibreOffice 4.3 el parmete l'inportasion e l'esportasion de comenti nidifegài inte i file ODF, DOC, OOXML e RTF. Anca ła formatasion de i comenti ła ze pì sénplise.

Łe zbare de i strumenti de LibreOffice 4.3 łe ze deso rendeste nativamente so Mac OSX, ofrindo aspeto e funzionałità native che tanto A se ga spetà so 'sta piataforma.

LibreOffice deso ła suporta l'insarimento de modełi 3D animài inte łe prezentasion, doparando el formado standard novo verto glTF; A ze anca posìbiłe l'inportasion de file Collada e KMZ (prezenti rento Google Warehouse). LibreOffice 4.3.0 deso par deso el suporta 'sta funsion soło par łe varsion Windows e Linux.

Calc el parmete de ezeguir diverse tasche in modo pì intuidivo, grasie a ła evidensiasion intełijente de łe cełe inte na fòrmuła, ła vizuałizasion de'l nùmaro de righe e de cołone sełesionàe inte ła zbara de stato, ła posibiłità de inviar ła modìfega de na ceła co el contenjudo de ła ceła sora de modełi de convarsion de'l testo che deso łe ze conpletamente sełesionàbiłi da l'utente.

Latest Tweets

@libreoffice
@tdforg