Team documentasion

A semo senpre in serca de vołontari intaresài a contribuirghe a'l Projeto de Documentasion de LibreOffice. El team de Documentasion el produze ła documentasion de ła suite LibreOffice. A pareciemo nualtri stesi guide e manuałi.

Ponti de contato e resorse prensipałe i ze ła mailing list so ła documentasion e el wiki.

Na rasion de'l łaoro ła vien fata so'l sito ODFAuthors.

Nesun prodoto software sofistegà, cofà LibreOffice, el podarìa dirse conpleto se A mancase na documentasion adeguà. El łaoro de documentasion de LibreOffice el ze esensiałe par ła bona sortida de'l projeto, e el ne inpenja costantemente inte ła creasion de matariałe novo e inte'l mejorar continuo de cuel ch'A ghe ze dezà.

A ne ocore parsone che łe se intarese di na o anca pì de 'ste aree dite soto:

  • Redasion
  • Indezizasion
  • Produsion de schermade
  • Revizion e coreszion de bose
  • Reserca
  • e tanto altro. 

A podarisi anca èsar intaresài a tradur documentasion dezà ezistente.
Contatè el vostro projeto in łengua mare diretamente, o el team de Documentasion se ła vostra łengua no ła ze njancora in łista. 

A se dimanda ocio par i detaji, presizion, pasiensa, pensiero łòzego, cołaborasion e flesibiłità. A no ocor mìa avere espariense presedente, seben che łe ze senpre presioze. A ve dimandemo de dedegarghe un fià de'l vostro tenpo e de'l vostro łaoro par far de LibreOffice un prodoto open source senpre mejo.