Chi che'l dòpara LibreOffice

Tuti i dì, in tuto el mondo, miłioni de parsone łe dòpara LibreOffice, rento abitasion privàe, dite, asosiasion e aministrasion pùbleghe. Intrà de i utenti iłustri A gavemo:

 

MIMO, el grupo de łaoro interministeriałe franseze par el software łìbaro, el dòpara LibreOffice so de sxz 500.000 computer. El software el vien doparà rento tanti dipartimenti, co anca cuełi de l'enerzìa, de ła difeza, de l'agricoltura e de l'educasion.

 

In Spagna, l'aministrasion de ła rejon autònoma de Valencia ła ga instałà LibreOffice so 120.000 computer. 'Sto fato el ga rendesto l'aministrasion independente da i fornidori de'l setor informàtego e el ga redoto el spéndar reładivo a łe łisense de dòparo de i software propietari.

 

El Ministero de ła Defeza itałian el ze drio efetuar ła migrasion a LibreOffice de pì de 100.000 computer, e par i file l'adotarà el formado ODF (Open Document Format). El Ministero el ze drio reałizar dei corsi online in suporto de ła tranzision a LibreOffice.

 

In Zermania, el comun de Monaco de Baviera el ga za efetuà ła migrasion a LibreOffice de pì de 15.000 computer. El fa parte de na migrasion pì granda verso el software łìbaro e open source (FOSS), che el ciapa rento anca el sistema oparadivo GNU/Linux.

 

El Ministero de łe Finanse de Taiwan el ga instałà LibreOffice so de pì de 24.000 computer, e el formado standard Open Document Format el ze deventato ła norma par el scanbio de dati intrà i vari dipartimenti.

 

Descarghè suito LibreOffice e unive a i tanti utenti, senpre in crésar, che i łaora co strumenti open source e formadi verti standard.