Impress
Impress el ze un strumento straordenario par ła creasion de prezentasion multimediałe. Durando ła faze de reałizasion, Impress el ve parmete de vizuałizar łe slide drio łe varie modałità, drio łe vostre ezijense: Normałe (par łe modìfeghe zenarałe), Strutura (par l'organizasion e ła strutura de'l contenjudo testuałe), Note (par védar e modifegar łe note reładive a na slide), Stanpadi (se dezidarè aver el materiałe so carta) e Órdene diapozidive (par na anteprima che ła parmete de catar e métar in órdene in presa łe slide).
Grasie a clip art 2D e 3D, efeti spesiałi e de tranzision, animasion e strumenti de dezenjo da'l forte inpato, łe vostre prezentasion no łe sarà mìa pì łe stese. A ghe ze prezente arcuante animasion e efeti par renvivar łe slide e co Fontwork A podì reałizar imàjine 2D e 3D atrative a partir da'l testo. In zonta, Impress el ve parmete de costruir e zestire sène 3D che łe incòrpora na gran varietà de ojeti e conponenti.
So'l momento de prezentar el łaoro, A pensarè soło a come farve vanti co'l pùblego: ła modałità de prezentasion de Impress, siora de funsion, ła ve garantise ła piena zestion de ła vizuałizasion e de ła secuensa de łe slide (cofà slide che łe vien mostràe, el canbio diapozidiva manuałe o a tenpo, el pontador o i botoni de navigasion vizìbiłi o mìa vizìbiłi, e vanti cusì).
Impress el suporta pì monitor e co l'estension Presenter Console, in zonta a l'aplegasion, A gavarì un controło ancora pì estendesto so łe slide: fin che el pùblego el varda łe slide projetàe, A podarì vizuałizar so'l vostro schermo ła pàjina dopo, łèzar łe note e tenjer de ocio rełojo e retrocontador.
Par zontarghe stiłe e sofistegasion a łe vostre prezentasion, Impress el ga a dispozision na gama vasta de strumenti fàsiłi da doparar par reałizar dezenji e diagrami. E A podì descargar altri modełi da l'arcivo de LibreOffice, sparanjando cusita uncora pì tenpo.
Follow Us