Recuizidi de sistema

 

 

Windows

Par instałar LibreOffice so Sistemi Windows A ocor aver i recuizidi Hardware e Software drioman:

  • Microsoft Windows XP, Vista, Windows 7, o Windows 8;
  • PC Pentium-conpatìbiłe (mejo aver un sistema Pentium III, Athlon o pì resente);
  • 256 Mb RAM (mejo 512 Mb RAM);
  • 1.5 Gb de spasio disponìbiłe so'l disco rìjido;
  • Resołusion 1024x768 (mejo na resołusion suparior), co almanco 256 cołori.

Per prosédar a l'instałasion A ocor aver i parmesi de Aministrador. A se conseja de ezeguir un backup de'l sistema e de i dati vanti de instałar o remóvar el software.

Par serte caratarìsteghe de'l software – ma mìa tute – A ze dimandào Java. Java el ze nesesario par Base.

 

Apple – Mac OS X

Par instałar LibreOffice so Sistemi Macintosh A ocor aver i recuizidi Hardware e Software drioman:

  • Mac OS X 10.6 (Snow Leopard) o suparior;
    (Mac OS X 10.4 Tiger par łe varsion fin a ła 4.0.x)
  • Prosesor Intel;
    (Nota: a partir da LibreOffice varsion 4.1 el PowerPC no'l ze pì suportà);
  • 512 Mb RAM;
  • 800 Mb de spasio disponìbiłe so l'hard disk;
  • resołusion 1024x768 (mejo na resołusion suparior), co almanco 256 cołori.

Par serte caratarìsteghe de'l software – ma mìa tute – A ze dimandà Java. Java el ze nesesario par Base.

A se conseja de ezeguir un backup de'l sistema e de i dati vanti de instałar o cavar via el software.

Se doparè MacOS X 10.8 (Mountain Lion), A podarisi catarve co un problema dovesto a'l novo Gatekeeper de Apple. Capitase, rento de 'sto artìgoło (par ingleze) A podarisi catar informasion bone. Na sołusion pì fàsiłe par instałar e ezeguir el software ła prima volta ła pol èsar cueła de farghe clic dreto (ctrl-clic) so l'icona LibreOffice.app e sernir Verzi da'l menù contestuałe. A ve venjarà dimandà se dezidarè inviar el programa; confermè par farlo partir.

 

 

GNU/Linux

Cofà règoła zenarałe, A ze senpre consejàbiłe instałar LibreOffice drio i mètodi de instałasion racomandài da ła distribusion Linux (cofà, par dir, Ubuntu Software Center par Ubuntu Linux). 'Sto fato el ze pardesòłito el mejo modo par otenjer na instałasion otimałe e ben integrà co'l só sistema. Isteso, LibreOffice el podarìa èsar dezà instałà in faze de l'instałasion de un sistema oparadivo Linux.

I pacheti de instałasion de LibreOffice i ze fornìi da ła comunità e i ghe ze destinài a utenti co ezijense partegołare, e par situasion fora da l'ordenario.

Par instałar LibreOffice so Sistemi Macintosh A ocor aver i recuizidi Hardware e Software drioman:

  • Linux kernel varsion 2.6.18 o suparior;
  • glibc2 varsion 2.5 o suparior;
  • gtk varsion 2.10.4 o suparior;
  • PC Pentium-conpatìbiłe (mejo aver un sistema Pentium III, Athlon o pì resente);
  • 256Mb RAM (mejo 512Mb RAM);
  • 1.5 Gb de spasio disponìbiłe so'l disco rìjido;
  • Server X co resołusion 1024x768 (mejo na resołusion suparior), co almanco 256 cołori;
  • Gnome 2.16 o suparior, co i pacheti gail 1.8.6 e at-spi 1.7 (i serve par el suporto de i strumenti de łe tecnołozìe asistive [AT]) o altra GUI conpatìbiłe (cofà, par dir, KDE).

Par serte caratarìsteghe de'l software – ma mìa tute – A ze dimandà Java. Java el ze nesesario par Base.

A se consieja de ezeguir un backup de'l sistema e de i dati vanti de instałar o cavar via el software.

Latest Tweets

@libreoffice
@tdforg