• Comunità /
• Infrastrutura

Infrastrutura

El Team Infrastrutura el se òcupa de far funsionar, mantenjer, testar e serte volte parfin dezviłupar i strumenti e i servisi nesessari a'l Projeto e a ła Comunità de LibreOffice. A se trata donca de un Team crìtego par el projeto. 

Intrà de łe só tasche A ghe sta cueło de réndar oparadivi:

• El sito web de'l projeto e de ła comunità LibreOffice (el sito ch'A si drio vizitar);
• El sito web de ła Document Foundation (http://www.documentfoundation.org);
• Łe resorse wiki de LibreOffice e de ła Document Foundation (https://wiki.documentfoundation.org/Main_Page/it);
• I strumenti cołaboradivi par ła łocałizasion e ła documentasion de'l Projeto LibreOffice (el nostro server Pootle a l'inderiso https://translations.documentfoundation.org, el sito MozTrap QA a l'inderiso http://manual-test.libreoffice.org/results/runs/, ...);
• El Web server de un projeto independente, ODFAuthors (http://www.odfauthors.org), che co cueło A sconpartimo l'obietivo comun de promóvar el formado standard ODF (Open Document Format), el formado file de baze de'l Projeto e de ła suite LibreOffice;
• L'infrastrutura de'l servisio mail de ła Document Foundation (a dir łe nostre mailing list e l'intarfasa Nabble de łe nostre mailing list);
• I sistemi de cołaborasion e dezviłupo de'l còdeze de'l Projeto LibreOffice (Git, ...).

El Team el se òcupa de mejorar i nostri strumenti e infrastrutura Web, cusita come anca de promóvar ła comunegasion, interna e esterna, de ła Document Foundation e de ła comunità de LibreOffice.

Se dezidarè contribuir, iscrivive a ła website mailing list, e vizitè el website team so'l wiki.