LibreOffice Viewer par Android

The Document Foundation ła fornise un vizuałizador de LibreOffice par Android. El ze disponìbiłe so Google Play Store, da ndove che'l pol èsar descargà. 

Ła posibiłità de modifegar i file ła ze uncora na funsionałità sparimentałe, che ła ga da èsar abiłità separadamente inte łe inpostasion e che no ła ze bastansa stàbiłe par ezeguir tasche inportante. Co'l juto de i dezviłupadori, in futuro ła venjarà mejorà fin a deventar na sołusion conpleta par ła modìfega de i documenti. Łe funsion de modìfega łe vien dezviłupàe grasie a łe donasion fate in favor de ła The Document Foundation. I sujerimenti e łe senjałasion de erori i ze gradìi e i juta i programadori a mejorar ła cuałità de l'aplegasion, co l'obietivo de farla deventar un editor conpleto. I utenti i ze invitài a senjałar i problemi, doparando el sistema de trasamento de i bug e łigando i file che i ga zenarà el problema, a l'inderiso drioman: https://bugs.documentfoundation.org.

El vizuałizador de LibreOffice el dòpara el steso motore che LibreOffice par Windows, OS X e Linux. 'Sto cuà, in conbinasion co na nova intarfsa bazà so Firefox par Android, ła parmete che i documenti i venje łezesti in modo somejante a cuanto ch'A vien co LibreOffice so'l desktop. El vizuałizador par LibreOffice el ze stà dezviłupà da Collabora e Igalia, suportàe da Smoose, co contribudi de i studenti partesipanti a ła Google Summer of Code, insenbre a The Document Foundation e a ła comunità de LibreOffice. SUSE l'à forniìo łe baze fondamentałe par el suporto cross platform, e ła Mozilla Corporation ła ga fornìo arcuanti conponenti de baze.

Mejo informasion, co anca i cołegamenti a ła nostra app Impress Remote par Android, łe ze disponìbiłe so 'sta pàjina wiki:

Descarghè el vizuałizador de LibreOffice par Android

Fuse che no podesi o no vołesi instałarlo traverso de Google Play, A podì instałarlo traverso de F-Droid o senò A podì descargar el pachetto apk conpleto e po' dopo trasfarirlo so'l vostro dispozidivo.

Latest Tweets

@libreoffice
@tdforg