Writer

Writer el ga tute łe caratarìsteghe che łe ocor par un strumento de ełaborasion de testi e desktop publishing moderno e sioro de funsionałità. El ze bastansa fàsiłe par un memo zvelto, ma potente che basta par crear łibri conpleti de contenjudi, diagrami, ìndezi, e altro. A sì łìbari de consentrarvi so'l vostro mesajo, fin che Writer el se ocuparà de l'aspeto de'l documento.

Co LibreOffice A podarì crear documenti parfeti. A podarì sernir e aplegar i font prezenti inte'l vostro computer, inpostar e parsonałizar i stiłi par onji parte de'l vostro documento. Traverso de'l disionaro de coresion automàtega A podì evitar erori de batidura e gramategałi. El disionario l'ezeguise un controło durando ła dijitasion (e isteso el ze còmodo da dezativar, se vołì). Writer el pol anca zestir łengue difarente inte'l documento.

Traverso de łe Prosedure Guidàe A ze posìbiłe produr documenti standard cofà łétare, fax, órdeni de'l dì e verbałi, e réndar pì zvelte oparasion conplese cofà ła stanpa union. A podì dijitar in modo pì efisiente sfrutando ła funsione de Inpienasion automàtega, che ła ve sujerise parołe e fraze de dòparo comun par conpletar ła dijitasion, doparando el disionario interno e ezeguindo ła scansion de'l documento verto. I modełi de i documenti i ze includesti: A no ze mìa nesesario crear documenti conplesi, parché i ghe ze za pronti rento LibreOffice!