Co Draw A podì dezenjar diagrami de fluso eficasi e intuidivi. I conetori i senplìfega ła creasion de diagrami de fluso, organigrami, diagrami de rete e tanto uncora, anca s'A no se ze dotài de estro artìstego partegołar. Par pozisionamenti presizi e fasilmente replegàbiłi, A podì métar rento ponti novi de incołajo par farghe aderir i conetori. Łe łinee de cuota łe ze calcołàe automategamente e mostràe durando ła faze de dezenjo.

Draw el ve parmete de manipołar foto e imàjine co arcuanti modi; A podì anca crear album de foto. El rendering sofistegà el parmete de crear imàjine fotoreałìsteghe partindo da łe vostre texture, grasie a efeti łuminozi, trasparense, prospetive e tanto uncora. El motor de Draw el parmete ła convarsion de imàjine da e verso na gama granda de formadi imàjine e documento.