El strumento Stiłi e formatasion el rende sénplise l'aplegasion de łe varie opsion de formatasion de łe cełe, co anca ła rodasion łìbara de'l contenjudo, i modełi, i sfondi, i bordi e tanto in pì. A podì deventar vualtri stesi esperti de foji de càlcoło grasie a i modełi co funsion incorporàe che i parmete de consentrarve so'l łaoro da portar vanti.

El zestor de i Senari el parmete łe anàłize de ipòteze co'l soło clic de un boton; par ezenpio el confronto de i vadanji drio previzion de véndita alte, mezane o base.

El Resołudor el parmete de resòlvar co gran senplisità problemi de otimizasion, catando par ezenpio un vałor otimałe de na ceła partegołar, calcołà drio vìncołi fornìi rento altre cełe.

Ła tecnołozìa avansà de'l DataPilot ła rende sénplise l'estrasion de dati grezi da database aziendałi, l'anàłizi drio controłi incrozài, el resùmar e ła convarsion de i dati inte informasion senjifegadive.

El suporto multi-utente de Calc el parmete de sconpartir i vostri foji de càlcoło co altri utenti. Inte 'sta maniera, arcuanti utenti i podarà łaorar simultaneamente sora de'l mèdemo documento par métarghe rento i só dati. El propietario de'l fojo de càlcoło, in fin, el podarà integrar i novi dati co pochi clic. 'Sta caratarìstega ła parmete de evitar confliti durante łe modìfeghe.

Oltra a salvar i fogji ełetròneghi inte'l só formado nativo, OpenDocument Format (.ods), Calc el parmete de vèrzar foji de càlcoło Microsoft Excel, oltra che salvar el łaoro in formatdo Excel par mandàrgheło a parsone che łe dòpare i prodoti Microsoft. Se gavì soło bizonjo de réndar i dati łezìbiłi, ma so na gama vasta de dispozidivi e piataforme, A ze posìbiłe esportar in Portable Document Format (.pdf). Calc el ze anca in grado de łèzar file .xlsx creài co Microsoft Office 2007 par Windows o Microsoft Office 2008 par Mac OS X.